Wi-Fi ќе ги спаси мобилните оператори?
Деновиве се’ повеќе читаме (Financial Times, CNET) за проблемите што мобилните оператори ги имаат со своите мрежи поради таканареченото data tsunami, односно фактот што секојдневно расте бројот на корисници кои своите мобилни телефони ги користат за повеќе од телефонски разговори. Ова беше и една од главните теми на разговор на Светскиот Мобилен Конгрес што неодамна се одржа во Барселона, кадешто вниманието беше свртено кон Wi-Fi како можно решение на кризата.
Нов извештај од Cisco предвидува дека користењето на мобилните телефони за интернет пристап (60% за IP видео според Cisco) ќе се дуплира секоја година до 2014, што значи 39-кратно зголемување од 2009 до 2014. Ваквото зголемување ќе продолжи да ги оптеретува мрежите на мобилните оператори, кои веќе се соочуваат со вакви проблеми во поголемите пазари како Њу Јорк и Сан Франциско, кадешто скоро 70% од корисниците користат дата-интензивни телефони (како iPhone).
Wi-Fi како опција
Дури и новите 4G мрежи со поголеми капацитети што мобилните оператори почнаа да ги имплементираат нема да можат да ги задоволат зголемените и растечки апетити на потрошувачите. За таа цел, мобилните оператори ќе морат да ги разгледаат сите опции. Wi-Fi е една од најочигледните опции поради неколку предности – Wi-Fi мрежите се веќе доста распространети а и повеќето уреди веќе имаат вградени Wi-Fi картички. Mark Siegel од AT&T потврди дека Wi-Fi е многу важна технологија за нив и дека ќе има важна улога во планирањето на зголемувањето на капацитетот на мрежата на AT&T.
И во Македонија забележуваме пораст на користење на smartphones и интернет пристап преку мобилни телефони. Можеме наскоро да очекуваме дека и кај нас побарувачката ќе ги надмине капацитетите на мобилните оператори … дали тогаш и тука Wi-Fi мрежите ќе бидат актуелното решение?
Најнови коментари