Tag Archives: победници

Запознајте го Виктор од Охрид, еден од победниците на SunWireless фото-конкурсот!

Продолжуваме со серијата интервјуа на SunWireless блогот со учесниците на фото-конкурсот кои ги испратија најдобрите 5 фотографии. Денеска како гостин на блогот го имаме Виктор Крстаноски од Охрид.

Кој е Виктор, што прави и кое е неговото хоби?

Моето име е Виктор Крстаноски, студирам на ФТУ – насока Диететика….хоби хммм шо знам гејминг, покер и така слично..да не речам се со седење хаха

Каде и кога е направена победничката фотографија?

Фотографијата е направена на градскиот плоштад во Охрид за време на натпреварот Македонија-Шпанија.

Споделете ни некоја интересна случка поврзана со Вашето друштво?

Паа ќе ја споделам неодамнешната случка за Василица…Се облековме сите сино бело,ставивме бели капи, се испоцртавме сини на фаците и ајде ојме “ШТРУМФОЈ“  ќе се правиме :) ) Ептен луда ноќ со многу ФАИЛОЈ и пресврти и на крај добивме прва награда за маската :)

Што Вашите пријатели значат за Вас?

Хммм интересно прашање..сигурно мислите другарите зато шо пријателите јас ги дефинирам појќе ко познаници пример од на школо, и со нив имам здраво . А ако прајме муабет за другарите ние сме така доста големо друштво 13  души ..тие шо се на сликата плус минус  и плус рачунај секој женска и се собираме до кај 20…затоа тешко е да дефинираш што ти значат бидејќи некој е поблизок некој е поодалечен. Убо е да се имат стално блиски другари за секакви активности, пример и за “цепење дрва и за на слава да ги викниш“ :)

Што мислите за SunWireless?

Мислам декa идеата е многу интересна – “интрнет за сите-во секое време-на секое место” . Јас живеам во Охрид и голем дел од Градот е покриен, но има и места кои не се (на пример јас каде што живеам) па се надевам дека скоро и таму ќе “прозрачите“ :)

Интервју со Боби Башевски победникот на SunWireless фото-конкурсот

Изминатиот месец, SunWireless организираше фото конкурс на аматерски фотографии на тема “Јас и моето друштво“. Во конкуренција на повеќе од 150 студенти и ученици, изминатата недела беа објавени имињата на 5-темина победници за кои жири комисијата одлучи дека ги испратиле најдобрите фотографии.

SunWireless стапи во контакт со дел од победниците и реши поблиску да Ви ги претстави.

Денеска како гостин на SunWireless блогот го имаме Боби Башевски кој според жири комисијата со својата пријавена фотографија освои најголем број на поени….

Кажете ни нешто повеќе за себеси?

Моето име е Боби Башевски, јас сум од Охрид и во моментов сум апсолвент на Техничкиот Факултет св. Климент Охридски во Битола, отсек Графичко инженерство.

Каде и кога е направена победничката фотографија?

Сликата е направена на планината Петрино (Галичица) на местото “Висок Врв” 1600 метри надморска височина веднаш над Охрид, со дел од моите другари. Немаше посебна цел на нашата “експедиција” но бидејќи беше непосредно пред новата година, ден-два, решивме да направиме елка и со чаша вино на необичен начин и необично место да наздрваиме за престојните новогодичните празници.

Споделете ни некоја интересна случка поврзана со Вашето друштво?

Па има премногу случки во Нашето Друштво, смешни, весели, интересни… поготово со податокот дека ние сме 13 другари, колку и да бидеме нерасположени и индиспонирани секогаш има некој кој ќе не насмее, ќе предложи некоја организација или авантура. Едноставно никогаш не е монотоно со другарите.

Што Вашите пријатели значат за Вас?

Моите пријатели за мене се СЕКОЈДНЕВИЕ! Со нив буквално го поминувам поголемиот дел од денот, тоа можат да го потврдат сите што ме знаат :)

Што мислите за SunWireless?

Живееме во општество каде скоро не можиме ништо без интернетот. Дури и кабелскот интернет не може да заврши голема работа бидејки се повеќе се користат смартфоните во замена за компјутерит,  па затоа шемата која ја има вашата компанија е многу корисна. Ја имам користено во Скопје, а можам да забележам и доста локации во мојот град.

Запознајте го Александар од Охрид, дел од SunWireless друштвото!

Изминатиот месец ,SunWireless организираше фото конкурс на аматерски фотографии на тема “Јас и моето друштво“. Во конкуренција на повеќе од 150 студенти и ученици, изминатата недела беа објавени имињата на 5-темина победници за кои жири комисијата одлучи дека ги испратиле најдобите фотографии.

SunWireless стапи во контакт со дел од победниците и реши поблиску да Ви ги претстави.

Денеска имаме задоволство како гостин на блогот да го имаме Александар Мечкаровски од Охрид….

Кажете ни нешто повеќе за себеси?

Јас сум Александар Мечкароски живеам во Охрид и сум четврта година средно економско училиште.Свирам гитара,играм

кошарка и сакам постојано да сум опкружен со моето друштво.

Каде и кога е направена фотографија со која учествуваше на SunWireless конкурсот?

Оваа слика е направена за време на роденденот на еден од моите школски другари,Злате.Бевме собрани друштво од класот и низ игра и забава испадна и оваа фотографија.

Споделете ни некоја интересна случка поврзана со Вашето друштво?

Ова што ќе го напишам сега се случи истата вечер кога ја направив сликава.После прославата в стан требаше да одиме в кафиќ да допрославиме.Тргнавме за таму и наместо в кафиќ завршивме кај друг другар в стан и тек другиот ден појдовме кај што бевме тргнати.Нешто како Џамбазов кога купувал работи за Нова Година дента а се вратил 2 недели после Нова Година.

Што Вашите пријатели значат за Вас?

Тие претставуваат голем дел од мене.Со нив сум секој ден и искрено не можам да го замислам денот без нив.

Што мислите за SunWireless?

Јас сум корисник на SunWireless веќе 4 години и сум многу задоволен од услугата.Вработените се љубезни и професионални.Исто така морам да напоменам дека како корисник на wireless интернет квалитетот на сигналот е многу важен.Безжичниот интернет е наше секојдневие а со користењето на социјалните мрежи стана и потреба – посебно за нас младите.

Избрани 5-те најдобри фотографии од SunWireless конкурсот

Во огромна конкуренција од преку 150 учесници и повеќе од 200 испратени фотографии, комисијата на SunWireless ги избра најдобрите 5 аматерски фотографии од конкурсот на тема “Јас и моето друштво“ кој минатиот месец од 12-ти до 31-ви беше организиран од страна на компанијата.

Во продолжение 5-те победнички фотографии кои добија најголем број на поени:

1. Боби Башевски

2.  Виктор Крстаноски

3. Катерина Петреска

4. Александар Мечкароски

5. Сара Коцевска

SunWireless им честита на победниците и на сите останати учесници на конкурсот за одличните фотографии !